اسئله ترفع الضغط ادخل وشوف

السلام عليكم

في أسئلة بديهية مالهاش اي لزمة في الدنيا
بنتعرّض ليها كل يوم من كل الناس
خلينا نشوف امثلة
مثلا مثلا

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ
ايه ؟
(( أظن ده مش وضع الرقص !!! واضح ان انا هنام‎ ))
***********

انتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير: انتوا جيتــواااااااااااااااا ؟
‎(( لا لسه‎ ))
***********

والعكس : انت لابس هدومك و متأنتك و على سنجة عشرة وريحة البارفان
واصله لاخر الشارع .. وخلاص بتفتح باب الشقة,, يجي حد من أهلك وينادي
بصوت عالي : انت خااااارج ولاّ اييييييييييه
(( !!! لاء دانا لسه راجع‎ ))
***********

أو مثلا راكب العربية ودوّرتها وخلاص هتطلع ... يجيلك لك البواب
ويخبطلك على الزجاج,, انت بكل ذوق تفتح الزجاج
وتقوله : خير في حاجة؟
يقولك : انت رايح الشغل يابيه ؟
(( لا.. العربية واحشاني‎ ))
***********

مثلا ماسك سماعة التلفون وقاعد تضغط الارقام يجي حد من أهلك ويقولك:
انت هتتكلم في التليفون ؟
(( لا.. بتفرّج عليه‎ ))
***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد
وقالك: هاه.. قاعد تذاكر ؟
(( تقوم رامي الكتاب و تقوله لااااااااء‎ ))

***********

ربنا هاديك كده ... ماسك سبحة و عمال تسبّح ، يجي حد من البيت يعدي
عليك ويقول: هوّه انت بتسبح ؟
(( لاء.. هفرطها و أسلقها‎ ))
مع تحياتى<<<<<<<TITO

مش لاقى حاجة اقولها غير انى اضحك
بس ارجع واقول هو دة حال الانسان (الفضووووووووووول)

اشكرك اخى على مرورك ويارب دائما اقدم ما يعجبكم مشكووووور

مع تحياتى<<<<<<<TITO farao

» اعرف شخصيتك من ثلاثه اسئله فقط
» اذا كنت فاضي ادخل
» رسومات جميلة .... ادخل وقولى رايك